<style> <!-- A:link {text-decoration: none; color:6D6E6D ;} A:visited {text-decoration: none; color: 6D6E6D ;} A:active {text-decoration: none; color:6D6E6D ; } A:hover {text-decoration: none;color:6D6E6D ;} //--> </style> <html dir="rtl" xmlns:v="urn:schemas-microsoft-com:vml" xmlns:o="urn:schemas-microsoft-com:office:office" xmlns="http://www.w3.org/TR/REC-html40"> <head> <meta http-equiv="Content-Language" content="ar-sa"> <meta http-equiv="Content-Type" content="text/html; charset=windows-1256"> <link rel="File-List" href="new_page_1_files/filelist.xml"> <title><style> <!-- A:link {text-decoration: none; color:6D6E6D ;} A:visited {text-decoration: none; color: 6D6E6D ;} A:active {text-decoration: none; color:6D6E6D ; } A:hover {text-decoration: none;color:6D6E6D ;} //--> </style> <html dir="rtl" xmlns:v="urn:schemas-microsoft-com:vml" xmlns:o="urn:schemas-microsoft-com:office:office" xmlns="http://www.w3.org/TR/REC-html40"> <head> <meta http-equiv="Content-Language" content="ar-sa"> <meta http-equiv="Content-Type" content="text/html; charset=windows-1256"> <link rel="File-List" href="new_page_1_files/filelist.xml"> <title><style> <!-- A:link {text-decoration: none; color:6D6E6D ;} A:visited {text-decoration: none; color: 6D6E6D ;} A:active {text-decoration: none; color:6D6E6D ; } A:hover {text-decoration: none;color:6D6E6D ;} //--> </style> <html dir="rtl" xmlns:v="urn:schemas-microsoft-com:vml" xmlns:o="urn:schemas-microsoft-com:office:office" xmlns="http://www.w3.org/TR/REC-html40"> <head> <meta http-equiv="Content-Language" content="ar-sa"> <meta http-equiv="Content-Type" content="text/html; charset=windows-1256"> <link rel="File-List" href="new_page_1_files/filelist.xml"> <title><style> <!-- A:link {text-decoration: none; color:6D6E6D ;} A:visited {text-decoration: none; color: 6D6E6D ;} A:active {text-decoration: none; color:6D6E6D ; } A:hover {text-decoration: none;color:6D6E6D ;} //--> </style> <html dir="rtl" xmlns:v="urn:schemas-microsoft-com:vml" xmlns:o="urn:schemas-microsoft-com:office:office" xmlns="http://www.w3.org/TR/REC-html40"> <head> <meta http-equiv="Content-Language" content="ar-sa"> <meta http-equiv="Content-Type" content="text/html; charset=windows-1256"> <link rel="File-List" href="new_page_1_files/filelist.xml"> <title><style> <!-- A:link {text-decoration: none; color:6D6E6D ;} A:visited {text-decoration: none; color: 6D6E6D ;} A:active {text-decoration: none; color:6D6E6D ; } A:hover {text-decoration: none;color:6D6E6D ;} //--> </style> <html dir="rtl" xmlns:v="urn:schemas-microsoft-com:vml" xmlns:o="urn:schemas-microsoft-com:office:office" xmlns="http://www.w3.org/TR/REC-html40"> <head> <meta http-equiv="Content-Language" content="ar-sa"> <meta http-equiv="Content-Type" content="text/html; charset=windows-1256"> <link rel="File-List" href="new_page_1_files/filelist.xml"> <title><style> <!-- A:link {text-decoration: none; color:6D6E6D ;} A:visited {text-decoration: none; color: 6D6E6D ;} A:active {text-decoration: none; color:6D6E6D ; } A:hover {text-decoration: none;color:6D6E6D ;} //--> </style> <html dir="rtl" xmlns:v="urn:schemas-microsoft-com:vml" xmlns:o="urn:schemas-microsoft-com:office:office" xmlns="http://www.w3.org/TR/REC-html40"> <head> <meta http-equiv="Content-Language" content="ar-sa"> <meta http-equiv="Content-Type" content="text/html; charset=windows-1256"> <link rel="File-List" href="new_page_1.files/filelist.xml"> <title>الرئيسية
   

صفحة جديدة 1 صفحة جديدة 1

جميع جوائز مسابقات جمالك سيدتي مقدمه من الجبيل مارك مع الشكر

http://www.jmaliki.com/vb/img/Gladiator_Stamp_by_ravekitten.gifhttp://www.jmaliki.com/vb/img/baby.png http://www.jmaliki.com/vb/img/Fashion.png http://www.jmaliki.com/vb/img/fasatenzawaj.png http://www.jmaliki.com/vb/img/makeup.gif http://www.jmaliki.com/vb/img/stamp__makeup.gif

استرجاع كلمة المرور طلب كود تفعيل العضوية تفعيل العضوية
 
 
العودة   منتديات جمالك سيدتي - فساتين - مكياج > جمالك الترفيهيه > الدجه والصرقعه وسعة الصدر
 
 

الدجه والصرقعه وسعة الصدر يختص بكل ماهو مضحك وطريف


مواقف مضحكه لا تفوتكم لا تفوتكم

الدجه والصرقعه وسعة الصدر


إضافة رد
 
أدوات الموضوع طريقة عرض الموضوع
قديم 08-19-2010, 02:14 AM   #1
المعلومات
الكاتب:
moma
اللقب:
عضوة ذهبية
الرتبة:
الصورة الرمزية
 
الصورة الرمزية moma

البيانات
التسجيل: Feb 2010
العضوية: 13617
المشاركات: 1,714 [+]
بمعدل : 1.12 يوميا
اخر زياره : [+]
معدل التقييم:
نقاط التقييم: 1746
moma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant future
إرسال رسالة عبر مراسل Yahoo إلى moma إرسال رسالة عبر Skype إلى moma

 

افتراضي مواقف مضحكه لا تفوتكم لا تفوتكم

مواقف مضحكه لا تفوتكم لا تفوتكم

(1)
طخومه والتيس<<<<بدال ليلى والذئب

مره ابوي كان عازم عماتي ورجال خواتي وطبعا عيال عماتي ورجال بناتهم حريما ورجال في الاستراحه
والاستراحه فيها حيوانات وفيها تيس الله يرحمه ذبحه ابوي لانه هو السبب في فضيحتنا بين العربان خخخخخخخخخخخخخ



المهم الحريم بجهه والرجال بجهه ثانيه الجهه الي فيها الحيوانات لين ولدي توه بادي يفهم ومن في البيت وانا اسولف له عن الحيوانات يوم وصلنا قلت ابروح اوري ولدي الحيوانات قال اخوي روحي ماعليك الرجال في بيت الشعر بس خذي معك غطا
المهم وارووح وافتح باب الحظيره اوري ولدي الا يجيني ذاك التيس منطلق مايشوف دربه مدري وش قصته الله يصلحه مشبهه والا شسالفه خخخخخخخخخخ
ويلحقني مير من الروعه انطل ولدي وانحااش ركض وكراعيني سابقتني حسيت اني نوال المتوكل العداءه المغربيه من سرعتي خخخ المهم ماعاد قدامي الا بيت الشعر العدو خلفي والبحر امامي مير جيت طايره فيني خفه مو طبيعيه من الخوف وادخل عليهم في الخيمه وامسك باب الخيمه جسمي وكراعيني عندهم وراسي برا مطلعته يقالك متغطيه خخخخ والله انهم تناقزوو وتطامرو يحسبون داخل عليهم مدرعه من كثر ماجيتهم اهابد وهالتيس هالحمار واقف عند باب الخيمه يحتريني اطلع متسلط علي الا لايسلطه
مير مقدي ابوي يوم ذبحه خخخ
ابوي يابعد قلبي بسم الله عليك بسم الله عليك مايعض لاتخافين واخوي يهااوش هييييه انتي اطلعي



وانا راسي برا وجسمي عندهم اقول تعال وخره بسرعه بس اشوا كلهم امون عليهم وخابريني من يومني بزر الا رجال خواتي


بس خيره ان رجلي ماجا والا كان علقني مع رجولي وصلخني مثل ماعلق ابوي التيس مع رجوله وصلخه

هاذي قصتي قصه طخومه والتيس على وزن ليلى والذئب





(2)
وهذا موقف لي بشهر العسل كنت مسافره برا واشتهيت مطعم عربي الله لايعيده المهم لقينا مطعم لبناني ورحنا له وحطو لنا طبعاا قبل مانطلب زيتون ومخلل
وجا واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه يقالك من السناعه خخخخخخخ
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ماسكت
قلت غريبه حنا عنا بالسعوديه نصيدها بالشوكه خخخخ
وماسكها رجلي علي الى الحين كل ماشاف زيتون قال هاه بالشوكه والا بيدك خخخخ





(3)

انا خالي رجال كبير بالعمر وعنده عزيمه كبيره وكلهاا مشاايخ ونااس كبار وراح العصر الصيدليه لقى هالاكياس مكتوب عليها فوط ......!
قام شراها قال هاذي اوجه واحسن من المناديل وحطها على الغسالات يوم طلعو النااس من الرجال من العشاا الا ياقلبي هو يقول مسحو وراكم مافتحتوها وكلهم مستحين محد قال شي ويجي واحد ينادي ولد خالي قال الحق شف اهلك وش حاطين على الغسالات ولد خالي شالها ولا عاد دخل على الرجال وخالي جاا معصب من الي شال الفوط خخخخخخ




(4)

ااه لاتذكروني بالطيحات
انا مره كنا بالاستراحه انا واهل زوجي وعمانه المهم دخلو الرجال بيسلمون على خالتي ام زوجي عم زوجي وعيال عمه واخوان زوجي وطبعا زوجي معهم قام هالملقوف قال لي جيبي القهوه المجلس مليان بنات اخته صغار وخواته فيه ماقال لهم وانا بشرشفي متغطيه هو لو قال لي بصوت واطي كان قلت معصي بس قال بصوت عالي وطبعا فيه حريم اخوانه وامه وبنات عمه خبركم عاد الجزمه شبر لزوم التكشخ للحموله والشرشف يسحب على الارض كبيييير مره من شراشف الصلاه يوم دخلت عليهم بالصينيه توني داخله من باب اخيمه الا ينشب الكعب في الحديده الي عند الباب صرت كاني برج من ابراج 11 سمبتمبر اهز يمين وشمال ابي اثبت ماطيح وكلهم ا نتبهي انتبهي يعني الكل صارت انظاره علي اخر شي ططططططخخخخ على الارض الترامس كل ترمس بجهه والفناجيل انتثرت بينهم كل واحد في جهه والشرشف التف علي وانا متمدده تحت رجولهم كاني بسم الله علي جنازه وهم يقولون بسم الله عليك بسم الله عليك وانا اقول في نفسي جعلكم السم خخخخخخخخخخ بغيت احط نفسي مغمى علي من الفشيله ماعاد قمت من طيحتي ومن زود النصب شكل رجلي انكسرت تعورني من الروعه

يوم رفعت راسي كلهم حريما ورجالا واقفين فوق راسي الا زوجي العزيز حاط يده فوق راسه من الروعه


(5)
امي
ماتعرف تسوي حلويات وشرت بسبوسه جاهزه وحطتها بصحون يوم انهبلو عليها عماتي وبناتهم وشلون صلحتيها؟؟
تقول قلت هااااااه
طحين
سكر
زيت
بيض
خخخخخخ
قالو هاذي كيكه وين جوز الهند خخخخخخ امي ماتدري انه ينحط فيها جوز هند قالت لا ماحطيت جوز هند خخخ
تقول قامو عماتك ينبشون البسبوسه يقولون وهذا وشو؟؟
تقول وانا مصره ابداا ماحطيت خخخخخ
القصه قديمه تقريبا من 15 سنه او اكثر بعد

(6)


مرة من المراري

كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اضن
وفيني رجه مهيب طبيبعيه
المهم كلمت ابو الشباب مدري هو كلمني قلت له وينك تاخرت؟؟
قال في الحاره مير يغزني بليس قلت ورى ماتروحين تخبين ورى الجدار تروعين رجلك
مير اسمع باب الكراج ينفتح واطييييييييييير اركض اتخبى ورى الجدار
واسمع باب الكراج يتسكر
وانا عاد اقوم استعد احمي يديني للخبطه
واسمع باب السياره ينفتح
واخذ نفس
واسمع خطواته جاايه
المهم مادريت الا الرجال يمشي
عاد طريقه الجدار الي عند الكراج اذا دخل يصير معطيني ظهره وانا وراه
ياليت يوم بليس غزني قال اصرخي في وجه اسحبي شماغه
بس بليس قال اهبديه
وظلااام جهت الكراج

واجي طاايره وباقوى قوه اقدر اسويها اخبطه مع ظهره من ورى بين كتووفه

<<<<الله من الجفااسه حتى في المزح خخخخخخخخخ
مسيكين هو من قوه الخبطه

ومادريت الا الكراج ينفتح مره ثانيه

صار الي جاااي اول اخوو رجلي

وهو الي تلقى الضربه ارض جو

والله اني بغيت انحاش مع باب الكراج يوم انفتح من الفشيله

واطلب الطلااق

التفت علي قااااااااااااااااااال عمىىىىى
عاد انا بغيت ازعل يوم قال عمىىىىى

<<لها وجه تزعل

مير تشوفوني اااسفه اااسفه ومغطيه وجهي بيدي احسبك فلااان

<<<<يقالك ستيره متغطيه خخخخخخخخخخ

قال تكفين خفي على اخووي خخخخخخخخخخخخ

عاد مير انا الي انصى رجلي وانا ازبد من الحمق<<<بعير مو انسانه

واقوله السالفه

قال اشوى فيه ولا فيني خخخخخخخخخ

قلت رح تعذر له واشتر له فكس على حسابنا خخخخخخخخ

عاد رجلي قال ترى فلانه تحسبك انا لاني مكلمه قايل انا قريب حول البيت

قال الله يصبرك يااخوي انتبه لاتزعلها تذبحك خخخخخخخخخ

اذا هذا مزح اجل شلون اذا زعلت

===========================================
(7)

البنت هاذي زينه مره وحبيبه بس يعيبها رجولها كباار خخخخخخ تلبس 41 ومرات 40
تزوجت وانهبلو عليها اهل رجلها من سناعتها وزينها وحبابتها بسم الله عليه
تقول مره مجتمعين هي وحملوتها حريم عيالهم وبناتهم وبنات بناتهم متزوجات كثاار مره
تقول مير تجي سلفتها تقول لها فلااااانه
قالت سمي<<<<يقالك ذوق خخخخ

قالت ولدي يقول رجووول خاله فلااانه كبااااااار وسوود وانا وابوه متنا عليه من الضحك خخخخخخخخخ حسبي الله على عدوانها
تقول ميررررر الدنيا تدووور بي ابرد ماعرف من الروعه والمفاجاءه تقول قلت ياحبيله بسم الله عليه ذكي <<<<شوفو الخبال خخخخخ
تقول حسبي الله عليها جابت لي العقده صرت لين جيت اروح لحمولتي اقعد قبل يويمن افرك رجووولي خخخخخ ومرات اذا صندل يسمر لطيت المكيااج في الرجووول

(8)

هذا الله يسلمكم يوم زواجي من بكره رحنا نتعشى عند اهله عشان رحلتنا بالليل بنسافر المهم دخلت عليهم وطاارو فيني وانا عاد راسي انتفخ الظاهر اني حاسه بعقده نقص
قال زوجي تعالي اوريك جناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شوي وجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كل ماجيت ادخل استحيت لين طلعت امه في وجهي شافتني ارتاعت قالت بسم الله الله يفشل العدوو المهم دخلت وجلست كل بزارينهم متجمعين تحتي كاني تمثال ابو الهول يتفرجون على العرووس وانا مغير ابرد شاهي واشرب بزارينهم مادري من الروعه وكل واحد يقول انا ماشربتيني
تعشينا وجا زوجي قال يله بنمشي وجا معه اخوانه بيودعونه وبيسلمون علي واتغطى بالشرشف مادريت الا علبه المناديل الخشب الي صاقعه وجهي والله اني حاسه بدوخه من قوه الضربه واصرخ ذيك الصرخه الا ولد اخت زوجي شيطاااااااااني امه مستاذيه منه صقعني فيها تطامرو خواله الي يخبطه مع راسه وانا من الروعه اقول لاعاااااادي ماعورني اصلا ماطقتني العلبه
كل هالصرخه واقول ماطقتني وعيوني تصب دمووع واقول في نفسي الشرهه على الي يتزوج ولدهم
قال له زوجي قلها اسف يله بسرعه ودخل راسه تحت الشرشف وانا الي احمر عيووووووووووني عليه واكشر في وجهه قام الله يفشله قال يمه عيونها تخوف كبار وحمر بصووت عالي بغى يغمى علي من الروعه




(9)

قبل كم يوم طاالعه وقلت لولدي انت الكبير وانتبه لاختك ياوليدي ولاتجنن الشغالات خلك عااقل

وياليتني طحت على خشتي ولاقلت انتبه لاختك

مالي نص ساعه طالعه واحوس وادوس ادور انا وامي بيت وحده بنروح نسلم عليها ويوم تونا محصلينه الا دق ولدي علي

مااااااااااااااامااااااااااااا اا الحقي عليناااا الحقي

عاد انا قلت هاااااااااااه وجع وشوووو<<<امحق اسلوب

قال اختي انقطعت يدهاااااااااااااا

عاد عينك ماتشوف الا النور وشووووووووووووووو

وصب دم قال اييييييييييييييييييه كثيييييييييييييييييييييييييييي ر

قلت طيب يدهاا ناااشبه تتودل والا انقطعت مررررررررررره طاحت على الارض

<<<<<<اهبل من ولدها

واقول للسواق ارجع ارجع بسرعه

واتصل على رجلي انت اقرب للبيت اسبقني بسرعه بنتك انقطعت يدهاااا

<<<الطبق يتهزا بالمنخل انا وولدي كل واحد اردى من الثاني

في هذا الاثناء امي تتفاوض مع ولدي وتساله وين مكان القطع

شكل امي مااشيه معنى في الفهاايه الحاله وراثيه

وطايرين بين السماء والارض وان قلت له عطني الخدامه اسالها قال ماسكه يد اختي تسكتها خخخخخخخ

يوم وصلنا البيت اثاريه جرح في طرف الاصبع الاطرف حتى الدم الظاهر مااطلع والخدامه قاعده تلعبها وتسكتها

والله لولا خوفي من الله ثم من امي كان توطيت في بطنه الله يصلحه

وجتني تهزيئه من ابوناا قال الشرهه مهيب عليه على امه والله خخخخخخخخ


(10)
انا مره رايحين البر انا وحمولتي واخوان زوجي وحريمهم

المهم ان زوجي حااط علب بيبسي فوق بعض وقااعد يصوب عليها بالبندق<<<ياقدمها خخخخخ

قصدي بالساكتون

وصارو بالدور هالشباب الصغار وخواته يصوبون ولا واحد جاابها

جيت انا طاايره قلت انا ابجرب

قال وخري بس لاتفشلينا اخاف تذبحين احد ونتوهق ندفع اديه يبي يحطمني ويقهرني

ومير انشب بحلقه ويضحكون يقولون عطها خل نشووف

يوم خذته تعالي شوفي التعليقات الي تقول ابركب عيالي السياره لاتصوبين عليهم والي يقول ابنحااش

واحس بقهر في قلبي واقول في نفسي ياودود ياودود انك تنصرني عليهم

واشيل السلاح واحطه على كتفي حسيت كاني لوااء من فرحتي

يوم اطلقت الرصاصه واجيبهاااا وانا بنت ابوووي

وتعاالي شوفي التعليق الي يقول فلانه جابتها والي يقووول اكيد متعلمه من قبل والا شلون تجيبينها
ورجلي انهبل شفتو ام فلاان<<ألحين صرت ام فلان اول يتهزا فيناا

عاااد انا رااسي صارر كنه منطااد من الفرحه<<<الي يركبون فيه في افلام كرتون خخخخخ

قلت يله ابسوي مره ثانيه

وكلهم متشوقين ومتجمعين يله يله وانا عااد يارض انهدي ماعليكي قدي

واجهز الساكتون واحط طرفه على كتفي واغمض عين وافتح عين يقالك مركزه

عاد قمت اتميلح عندهم كاني خبره صدقت عمري

توني حاطه يدي على الزناد وطاالقه الرصاصه الا شي قال بببومب وقزاز انتثر اثاريني من زود التحمس جت الرصاصه في لمبه سياره رجلي خخخخخخخخخخ

والله عقب ماكان مفتخر فيني وفرحان فيني حسيت انه وده يكفخني ومجاامل عند اهله خخخخخ

وتعالي شوفي الضحك علي والكل عرف ان المره الاولى صدفه

(11)


قبل كم يوم كلمت وحده اعزيها في امها وكانت امها لها مده في المستشفى حول شهرين وكنت كل فتره اكلم اسال عنها
المهم الحرمه ماتت الله يغفر لها وكلمتها اعزيها ودار هالحوار بينا

هلاا فلانه عظم الله اجرك

هلا والله اجرنا واجرك

الله يجمعك بها في الفردوس ياارب

هي تقول اامييييييييييين

عاد السلك زي ماقلت لكم مافيه

قلت انا الا بشريني عن الوالده عسااها الحين احسن خخخخخ

قالت هي هوووووووووو انتي تعزيني في مين اجل
عاد انا دوريني ماتلقيني

ومره رحنا لاخت زوجي واطلع وانسى ولدي عندهم خخخخخخخخ ياخزياه مانسيته الا عند الحموله ليتني ناسيته في بيت خالتي والا اهلي والا خالي خخخ

مادريت الا تدق علي قالت مانسيتي شي قلت اييي قصدك الصينييه بعدين جيبيها معك

الله يخلف على قلبي ذكرت صينيه المكرونه وماذكرت ولدي موديه معي لها صينيه مكرونه واحسبها تقصد الصينيه خخخخخ

قالت لا ولدك تراه انهبل يقوول امي نستني خخخخخخخ


ومره دخلت محل ابشتري شي وانشب بحلق الرجال على خمسه ريال ابيها يخصمها مادري وش جااني على هالخمسه وانشب في حلقه نشبه الحساب كان اعتقد 25 وابي احاسب بعشرين اخر شي يبي يفتك مني قال خلاص طيب واعطيه خمس ميه واترك الباقي كله واطلع خخخخخخخ

ومره رحنا انا وخواتي نعزي سلفه اختي المهم دخلنا وقامت تقص علينا قصه وفاه امها انها ارتفع السكر عليها ودخلت بغيبوبه وانها صحت قبل ماتموت بااسبوع
واجي عاد انا المفهيه اشوااا الحمد لله صحت الحمد لله على سلامتها
خواتي طلعو من غير مايقولون مع السلامه من الضحك


ومره اختي كلمت امي قالت ام سلفتي ماتت ابمرك نروح نصلي عليها ومرت امي وراحو المسجد تقول اختي يوم كبر الامام واذكر ان ماعلي صلاه خخخخخخخخ تقول واتغطى واقعد اضحك يوم سلمت من الصلاه قالت لها الي جنبهاا حرام ياختي كل هالصيااح امسكي نفسك تحسب اختي تصيح



(12)

هذا موقف لاختي في شهر العسل

كانو مسافرين براا
ودخلو مطعم يتغدون تقول جاب لنا المنيو واختار زوجها وش يبي ةجا دورها وتقول قال لها زوجها تبين اساعدك في اختيارك
تقول وخيتي مير اعصب عليه قلت لااا انا اعرف اختارر
وهي تقول في نفسها حاقرني يحسبني ماعرف انجليزي
وتلقى هذاك الطبق وتجوز لها مكوناته ولقته غالي قالت اكيد زين
المهم جابو طبق زوجهاا تقول مادريت الا ذيك العربيه يدفها ثنين عليها رجل عجل خخخ مغلفه بقصدير
تقول كل تالي في الطاولات يناظرون هالعربيه وين بتروح وتقول وانا التفت على رجلي قلت وش بياكل هاللحم هاذي يبي لها عشر اشخاص وهي تضحك مادرت انها لها خخخخخخخخخ
تقول مادريت الا جابوها لي وخلو واحد واقف فوق راسي يقطع لي وانا اكل خخخخخ تقول متنا من الضحك انا وزوجي قال تستاهلين


(13)
انا اذكر كنت مسافره عند خالتي وبعد فتره لحقتنا امي

قالت مره خاالي قره عينك


وش رديت عليها انا


ياليتني انثبرت ابرك


قلت الله يقرقر عينك خخخخخ

قالت حسبي الله على عدوك بسم الله علي الله يخلي لي عيوني

عاد عرفت بعدين اني المفروض اقول بنبيك(محمد عليه السلام)






هذي لاتفوتكم ..........كل خبطه وانا اضحك ههههههههه

(14)
ياحلوها ايام الابتداائي

انا مره مشتركه بالحفله ولي شهر اتدرب على الانشوده

لدرجه الله يعزكم حتى في الحمام اتدرب خخخخخخخخ

المهم يوم جا قبل الحفله بيوم الساعه عشر باليل واتذكر فستان الخفله واني نسيت اقول لامي خخخخخخخ
واقوم اصيييييييح افزع الدنيا فستان الحفله
ونروح انا وامي السوووق لين المحلاات تسكر ومامدانا على شي وماحصلنا فستان ابيض منفووش خخخخ
قامت امي كلمت خالتي قالت عند بنتك فستان ابيض منفوش ابلبسه هالهدره الي توها تحكي

طبعا امي بين كل ربع ساعه وربع ساعه تهبدني على رااسي محتره مني الله لايلومها خخخخخ

وزين ان عندنا سواق والله لو انه ابوي ماقعد يدور بي

قالت خالتي لا ماعندي بس عمتنا اخت رجل خالتي ابسالها اذا عندها بنتها كبري انا وبنت خالتي

ورحنا بيت خالتي

وكلمت خالتي عمتهم قالت عندنا بس اصبرو علينا بنجيبه مادري وين بتجيبه منه عاد

يوم جت الساعه 12 باليل وكلمت عمتهم خالتي قالت الفستان عندي تعالو خذوه

وتركب معنا خالتي ونروح بيت عمتهم وناخذ الفستان
وماننسى طبعا هبدات الراس الي كل شوي جايتني من امي خخخخخخخ
ونروح نرجع خالتي لبيتهم
ونروح لبيتنا
جت امي تقوسني الفستان لين لونه سكري من الوصااخه خخخخخخخخخ

واقعد اصيح مابيه

مير تجيني الهبده القاضيه على علبااي

وتقوم امي تنظفه
ومارجعنا بيتنا تقريبا الا وحده ونص

مابعد جتكم الصدمه خخخخخخخخخخ
المهم وانام يوم قمت بكره والاقي الفستان مجهز ونظيف ومن فرحتي لبسته من البيت مالبسته في المدرسه خخخخخ
المهم كانت فقرتنا اخر فقره
مير يحذفون فقرتنا عشان الموجهه تاخرت على المعرض

يسفاااااب تعب امس

مير انا اطلق زمور الانذار من الصيااح خخخخخ
ويتجمعون علي المدرسات وامي يبون يسكتوني
وتجي المساعده وتقول بكره اخليك تغنين في الاعاده عند الطالبات

عاد وش الفايده غنيت في الاعاده بالمريول خخخخخخ


(15)



وكان عندنا سوااق مصري الله يذكره بالخير عليها ارانب شي غريب يشوف افلام جاكن جاك ويجي يقص علينا كانه هو البطل
ودايم سوالفه انا افرم اربعه بايد وحده
وامي الضعيفه تصدقه
مير يوم بغى الله يفضحهوتسمع امي صوت في الحوش وابوي كان مسافر وتخااف
وتدق امي على غرفته فلاااااااااااااان فلااااان افزع اسمع صوت في المطبخ الي براا تعال شف

قال
ايييييييييييييييه اشوف ايييييييييييه

لااااااااالااااااالااااااا مايصحش انا عندي ولاد وعايز اعيش

قالت امي اقطع واخس وين الي يفرم اربعه خخخخخخخ

عاد يوم جا بكره يقالك بيتعذر من امي

ياعمتي الكسره تغلب السجاعه<<<الكثره تغلب الشجاعه

قالت امي وانا قايله لك طب علينا عصااابه

مير صار قطوووو وراح خخخخ




(16)

اذكر مره قبل ماعرس يوم اني بنت بنوت خخخخخخخ انحاشو خدامات اهلي في رمضان
قامت امي تول ول
رجلن عصبي ويحب الاكل الزين<<<<ابو طخومه
وبنات داجات مايعرفون يسوون شي<<<<طخومه واخواتها على وزن كان واخواتها
وام تحب السنع والزين<<<<<ام المجني عليها طخومه خخخخخخ

مير يوم شفنا امي ضايق صدرها ونقوم نفزع انا وخواتي معها في المطبخ
قالت امي اللقيمات هي الي تاخذ وقت وابوكم يحبها وهي عاجنتها قالت بس انت لقموها وبعيدن ننقي الزين منها نحطه لابوكم والشين لكم
<<<تعجبني امي صريحه
مير اختي تلقم بالملعقه عقب ماعلمتنا امي الطريقه وانا حاطه الملاس في الزيت مايمديها تلقم وحده الا انا شايلتها صاير لونها احمر حلوه
وانا واختي فرحانين هي تلقم وانا اشيل
يوم خلصنا يازينها غالبها مدوره مغير اذاني سعينونه والا خرطوم صغير مامداها تمطط على طول انا اشيل
اثاري النار عاليه مررررررررر ه
جبنا لقيماتنا وفرحانين فيها
قالت امي ياويلكم لو تقولون انكم انتم ملقمين

<<<خابره ابوي مايحب مطرسه البزارين

يوم حطت اللقيمات تو ابوي مدخل اول وحده في فمه مير تصب من بين بريطماته<<<متعوب عليها
تصب العجينه
ويجرب الثايه يفغصها بيده وتصب العجينه
الثالثه الرابعه كلها مافيها حيله
قال من الي ملقم اللقيمات
عاد يقلبي امي بازه وفرحانه قالت اناااااااااااااااا
قال الله من الرفاله والله خخخخخخخخ كله من اعتمادكم على هالشغالات قالت امي هووووووووو<<<اهل الرياض
وراه وشفيها
قال ذوقي
خذت امي وحده وحطتها في فمهااا قامت العجينه ساحت بين بريطماتها
عاد تعالي شوفي الضحك
بس هاذي حوبه امي فيني انا واختي خذت تعبنا وجهدنا ونسبته لنفسها وعاقبها الله وهاوشها ابووي خخخخخخخخخ


(17)


انا اموت في شي اسمه طبخ من يوم كنت صغيره قبلي احوس في المطبخ مع امي وامي ياحبي لها تطردني لان مافي شي ينجح ابداا
مره سويت كيكه قبل ماتزوج وجيت فرحانه لابوي ابذوقه اياه قال يابنتي ذي لو يطق بها الكافر اسلم خخخخخ خخ ياااابسه
عاااد تزوجت وسكنت مع حمولتي واختكم في الله وجه بن فهره ماتنزل المطبخ بكرامتها جا ذاك اليوم سويت مكرونه بالباشميل من الساعه عشر الصبح في المطبخ ماخلصت الا 3 العصر الله من البربسه فيها يوم كلهوها لين نسيت احط الملح قالت خالتي ام رجلي وع ماصخه قلت عشان فيتس ظغط الله يحيتس ماحطيت ملح قالت اي بعدي بنتي خخخخخخخخ
ومره سافر زوجي لابها عنده شغل ورحت معه واول مره اتحمل مسؤليه المهم ليه صديقه زوجها ضابط ورايح ندب وانشب في حلق زوجي نسكن نفس عمارتهم شقق المفروشه
عاد ابسوي الغدا سوت لي صديقتي لحم متبل وحطته بالقصدير قالت بس دخليه في الفرن قلت يطول قالت اي لحم يطول
حطيته في الفرن من الساعه 7 الصبح وسويت رز بالربيان وكثرت المويه مره ياقلك مقلوبه ربيان يوم قلبتها في الصحن قال طششششششششششش<<<<مويه
جبت مناديل رووول وقعدت انشف الرز بالمناديل واللحم يوم طلعته مافيه الا عظام مادري ليه ولانتفه لحمه ماااع من الساعه سبع لين وحده الظهر مالقيت الا قصدير ناشف اسود وفيه عظام خخخخخخخخ

كل هذا عاادي مافيه الا رجلي لكن المصيبه جااايه
عند اهل زوجي شقه في مكه نروح لها كل رمضان وهاذي اول سنه لي معهم وزوجي عنده شغل في اخر شعبان قال خل نروح جده واذا جا اول رمضان رحنا لمكه
المهم رحنا لمكه قبل حمولتي وتقريبا بيجون في سابع رمضان
وخاله زوجي لها شقه في نفس العماره وبتجي ثاني رمضان هي وزوجها بس
وهي حرمه سنعه وتحب الزين وراعيه طبخ هي وبناااتها
قلت لرجلي ابسوي لهم فطووور ونروحه لهم عيب ساكنين بنفس العماره ولانروح لهم شي
<<<<من زين طبخي ياليتني انطميت بس
اكلم خالته يقول لها قالت خله عشا بعد التراويح
تحسب بيجيهم شي صاااحي خخخخخخخخخ
المهم يوم صليت المغرب واطلع ذيك الدجاجه من الفريزر ابي اقطعها عجزت ثلج
واقوم احطها على اللوح على بلاط المطبخ واحاول اكسرها بالساطوره تقوم الدجاجه تزلق وتتزحلق على بلاط المطبخ يقوم رجلي يشوتها برجله يرجعها لي خخخخخخخخخخ المهم تقطع لحمها وهي ماتقطعت
مير احطها في القدر واسلقها واحط عليها الطماط والصلصه والمكرونه وقلت في نفسي لين استوت قطعتها
<<<<<<مخ ذكيه
واسوي كريمه الخضراء ماغير واحط في الصحن شوي واحطها في الثلاجه الله من الدلاخه احسبها بتنتفش مثل الكيك لين حطيناه في الفرن
واسوي شوربه شعيريه ماجي<<<<هذا الوحيد الي فلحت فيها
واسوي سلطه واحط عليها ليمونها وخلها وكل بلاويها
مير ياذن العشاااء واطل على المكرووونه لين القدر مليان مويه قلت ابروح اصلي العشا في الحرم واعود على عشاااي
ولين بنت خالتي في مكه واتواعد انا وياها تجي معي بعد صلاه العشاء تساعدني وهي اردى مني والله في الطبخ
ونصلي العشا ونرجع والمكروونه مازالت مليانه مرق قالت الذهينه بنت خالتي خل نحط عليها علبه مكرونه ثانيه
بدل مانقلل من المويه حطينا عليها علبه ثانيه
ورحنا نصلي التراويح
عاد يوم رجعنا بنرسل لخاله زوجي العشا
السلطه اخورت من المغرب وهي مصلحه شكلها مصلحه من سنه
الكريمه يوم قلبتها في الصحن انفرشت صار عرضها سم واحد
الشوربه نجحت<<<<لو مانجحت فالمفروض مكاني شهار خخخخخخخخ
الشعيريه نسيت اعلمكم عنها طبختها وحطيت عليها سكر وكل شي بس استناها تصير بنيه عيت مررررره بيضاااء انعجنت وهي بيضاا بس ماروحتها لها يوم جا رجلي قال ليش بيضا قلت اهلي يطبخونها كذا خخخخخخخخ
المكرونه ومادراك مالمكرونه
نص عجين ونص ماستوى والدجاجه شكل فيها مرض متهذي لحمهااا قطعناها انا وياها
ومن قواه الوجه روحنا العشاء لها

والله يابنات حتى شكرااااااااااا ماقالت والله والله مالومها خخخخخخخخ انا نفسي حامت كبدي مافكرت اذوقه
حتى زوجي قال ليه مابقيتي لي اذوق طبخك قلت ماكفى وانا في نفسي اقول اخاف يجيك تسمم
نسيت فعايلنا في الدجاجه خخخخخخخخخخ
بس الحين اعجبكم صرت طباااخه

لا تفوتك توته(18)
مره من المرارير اتصفح هالمنتدى الي تقول ليله حمرا والي ليله خضراء
والي ليله بحريه وقواقع الله لايستر لايغرقون من التحمس والي ليله غابيه ولبست لبس طرزان هي ورجلها ماشاء الله عليه طاعها خخخخخخخخخخ
المهم مير تتحرك مشاعر الغيره فيني قلت هالضعيف ماعمري سويت له ليلله
المهم اتحمس واقعد لي شهر استعد كل ماقلت ابسويها هالاسبوع قلت مالي نفس
اخر شي قلت يله خل نجرب ونشوف
وتعالي شوفي الاستعدادات مافي شمعه في ستي بلاازا ماشريتها ومفرش جديد وفرش حمام جديد مع الفوط
وقميص نوم ولبس وفستان نعوم يقالك ابلبس لبسين

عاد انا فيني عيب لو بروح مكه وارجع في نفس اليوم اخذ عيالي معي مستحيل اخليهم الله لايبلانا الي سشوفني يقول ماحد عنده عيال غيرها

المهم يوم جا العصر وراح للمكتب استحيت اقول للخدامات تفخو البلونات وتقعد اتفخ لين انتفخت لوزي مير يتطاقون عليها عيالي مابقى الا كم وحده
واروح اشتري الكيك والعصير وارجع البيت واحطه في ثلاجه جناحي مابي رجلي يشوفه واخاف عيالي ياكلونه خخخخخخخخخخخخ
وارجع اطلع واروح اصلح شعري واغلف الهدايا الي جبتها له
المهم وارجع البيت وصك علي باب الجناح ازبرق واصلح حسيت كاني في حفله نجاح خخخخخخخ
واتصلت عليه قلت له اذا قربت من البيت دق علي
عشان في نفسي اولع الشموع والحق اولعها من كثرها
المهم مادريت الا الي يقول تراني تحت ونسيت ادق عليك مير تجيني خرشه حتى الولاعه مالقيتها ويوم لقيتها اولع وهو يطق الباب افتحي
وانا اقول لحظه
واسمع ولدي يقول بابا مادري ليه ماما مقفله عليها من زمان خخخخخخخخخ
المهم اني تاخرت مير يعصب ابو الشباب قال افتحي عارف مسويه حفله شفت الكيكه

اثاري الرجال جا وانا مني فيه وفتح الثلاجه وشاف الكيكه وقرا وش مكتوب عليها

مير عاد تتحطم احلامي ترترترترترترن

مير افتح الباب وانا معصبه يوم دخل قام هو ولع النور خخخخخخخخخخخخخ يسفاب بس الشموع

قمت من الحره اطفي فيها وراحت ريحه الدخون والعود من ريحه الشموع

قال اشرقتينا بهالريحه

مير يقوم يشغل التلفزيون

عاد انا انطلق عليه انت الي فيك وملا فيك وماتستاهل مسيكن انقلب وجهه وقام يطفي المبات من الروعه ويولع الشموع هو يولع وانا اطفي
مير اجيب الكيكه واقعد عليها انا وعيالي ناكلها واشرب انا وعيالي العصير وهو يتفرج ماعطيته خخخخخخخخخ

ومن الحمق اغير والبس بجامه واقعد على النت وانا في نفسي اقول امحق رومانسيه عاد هو حس بتانيب الضمير بس وش عقبه

بدال ماتصير ليله رومانسيه صارت ليله مضاربيه


(19)
هذا موقف لاختي فريش توه من يومين

معزومه عند سلفتها وجامعه سلفتها السالفات الباقين
قامت اختي تبي اغراض مني عشان بتلبسها
ارسلت رساله ارسلي لي البس الفلاني والشنطه الفلانيه وجزمتك الجديده الي شريتيها يوم الاربعا خخخخخخخخخخخخ ولاتنسين الساعه الفلانيه
ترى عااد انتي خابره السلايف ومنافستهم ابي اصير احسنهم

وارسلتها لسلفتها خخخخخخخخخخ



(20)
مره راح ولدي رحله حديقه الحيوان يوم كان في اول ابتدائي وجا بليس لعب في راسي ياليته قال بينسونه في الحديقه والا يضيع لاا ... قمت اتخيل ان الاسد او النمر يجي الحارس يعطيهم اكل ولا يسكر الباب وينحاشون وافكر اقول كل الطلاب عصلان ونحاف وولدي بسم الله عليه مليان وبطئ اكيد الاطفال بينحاشون وبياكل ولدي
والله كنت بالتاسع حامل والبس عبايتي وطيران على حديقه الحيوان مع السواق ويتصل علي زوجي وانا بالطريق وقال وينك وشفيك ماقدر احكي من الدموع والصياح تخيلت الموقف وصدقته وهاوشني وحلف علي ارجع ولعب علي قال انا بروح واخليه يكلمك وتعرفين انه طيب عاد يوم طول علي قلت ايه اكيد ولدي كله الاسد
<<<الحمد لله على العقل مرات انا انقد على نفسي واقول وش ذا العقل
اخر شي كلم الاستاذ وقاله خل الولد يكلم امه تطمن عليه ومارتحت لين كلمني الولد
ومرات ينعزم عند احد من اصحاابه والحين صار مايرضى الخدامه تروح معه يقول انا كبرت والله اجلس بالساعات في السياره اخاف انهم يفتحون الباب ويطلع الشارع او يجيه شي
كاني ابمنع القدر اعوذو بالله
الله يخليه لي يارب العالمين


(21)


انا مره سويت مقلب صغنون كنا نايمين في امان الله والغرفه ظلاااااااااااام دامس وانا كنت نايمه سمعت صوته يقوم يروح للحمام الله يكرمكم
مادري وش هالنشاط الي جاني قمت لبست عبايتي وغطيت فيها كل راسي وجسمي وجلست قبال باب الحمام متربعه
طلع هو يغافل لك الله ومعه فوطه ينشف يده من الروعه يوم شافني يحسبني جنيه بسم الله علي يقولي هشششششش هشششش بالفوطه
بس والله ياني كلت خبطه على راسي مالومه والله يقول خبري بك نايمه ولو يطيح البيت ماقمتي من ثقل نومك وش الله سلطك علي

خخخخخخخخ



(22)
بنات هذا الموقف لوحده تقرب لي تقول راحت لمجلس الامهااات مع بنتهاا ورجعت قبل بنتها

يوم جت بنتها من المدرسه تقول متفتحه مناخر بنتي من الفرحه قالت ماااااااااااامااااااااا البنات يقولون امك صغييييييييييييييييره مررررررره تقول قلت اصصص
لاتقولين شي بعدين لين جينا نتغدى سولفي علينا
تقول وانا على احر من الجمر متى يجي الغدى عشان زوجها يسمع المدح تقول يوم جلسنا على الغدا وتلفت على بنتهاا هاااااااااه ياحبيبتي وش كنتي من شوي تقولين يوم كنت مشغوووووووووله قالت اي صديقاااتي يقولون امك صغييييييييييييييييييره تقول وانا انتفخ راااسي اي كملي وش قالو بعد قالت بس يقووووووولون شييييييينه مررررره تخووووف خخخخخ تقول عاد هنا انفش راسها وطاح وجهها وزوجها كاتم ضحكته مايبي يفشلها خخخ مع انها والله حلوه بس هالبنات الله يفشلهم
من مواضيعي في المنتدي

__________________





إن سألتــــم عــــن إلهـــي فهـــــو رحمــــن رحيـــــم أنـــزل الشـــــرع حنيفــــــاً رحمــــــة للعــالميـــــن إن سألتـــــم عـــن نبيــــي فهـــو إنســـان عظيـم علّــــم النــــاس علــومــاً جمعــــت دنيــــا وديــــن إن سألتـــم عــن كتـــابـي فهـــــو قـــرآن كـريـــــم ضـــمّ دستــــور حيـــــاة وحـــوى النـــور المبيـــــن وإن سألتــــــم عـــن عــــــدويّ فهـــــــو شيطـــــان رجيــــــــم........






فساتين, مكياج ,وصفات للبشره, وصفات للشعر,ازياء


لتواصل عبر الفيس بوك انقر/ي هنا

moma غير متواجد حالياً   رد مع اقتباس
قديم 08-19-2010, 02:23 AM   #2
المعلومات
الكاتب:
حروف
اللقب:
كبار الشخصيات
الرتبة:

البيانات
التسجيل: Dec 2009
العضوية: 12826
المشاركات: 18,571 [+]
بمعدل : 11.81 يوميا
اخر زياره : [+]
معدل التقييم:
نقاط التقييم: 244
حروف has a spectacular aura aboutحروف has a spectacular aura aboutحروف has a spectacular aura about

 

افتراضي

شكراً وجزاكم الله خير
من مواضيعي في المنتدي

حروف غير متواجد حالياً   رد مع اقتباس
قديم 08-19-2010, 02:38 AM   #3
المعلومات
الكاتب:
جمالك سيدتي
اللقب:
الاداره
الرتبة:
الصورة الرمزية
 
الصورة الرمزية جمالك سيدتي

البيانات
التسجيل: Oct 2008
العضوية: 5
المشاركات: 66,636 [+]
بمعدل : 33.12 يوميا
اخر زياره : [+]
معدل التقييم:
نقاط التقييم: 2095
جمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond reputeجمالك سيدتي has a reputation beyond repute

 

افتراضي

الف شكر لكي اختي

ولي عوده ان شاء الله
من مواضيعي في المنتدي

__________________

جمالك سيدتي غير متواجد حالياً   رد مع اقتباس
قديم 12-14-2011, 10:25 PM   #4
المعلومات
الكاتب:
mimocha
اللقب:
عضوة ذهبية
الرتبة:
الصورة الرمزية
 
الصورة الرمزية mimocha

البيانات
التسجيل: Aug 2011
العضوية: 21317
المشاركات: 2,425 [+]
بمعدل : 2.51 يوميا
اخر زياره : [+]
معدل التقييم:
نقاط التقييم: 110
mimocha will become famous soon enoughmimocha will become famous soon enough

 

افتراضي

شكراااااااااااااااااااااااااااااا
من مواضيعي في المنتدي

__________________
فساتين, مكياج ,وصفات للبشره, وصفات للشعر,ازياء
mimocha غير متواجد حالياً   رد مع اقتباس
قديم 12-15-2011, 10:35 AM   #5
المعلومات
الكاتب:
*الدلوعه*
اللقب:
مسئولة عن عدة أقسام
الرتبة:
الصورة الرمزية
 
الصورة الرمزية *الدلوعه*

البيانات
التسجيل: Jun 2011
العضوية: 20259
المشاركات: 9,388 [+]
بمعدل : 9.15 يوميا
اخر زياره : [+]
معدل التقييم:
نقاط التقييم: 1327
*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of*الدلوعه* has much to be proud of

 

افتراضي

هههههههههههههههه
فعلا مواقف مضحكه
تسلمي هههههههههه
من مواضيعي في المنتدي

__________________

اللهم اجعل ما في رحمي طفل سليما
معافى اللهم أسألك أن تحفظه وأن تجعله تقيا ذكيا جميلا
اللهم حسن خلقته وخُلقه وسهل حمله ومخرجه
*الدلوعه* غير متواجد حالياً   رد مع اقتباس
قديم 12-15-2011, 11:31 AM   #6
المعلومات
الكاتب:
mimocha
اللقب:
عضوة ذهبية
الرتبة:
الصورة الرمزية
 
الصورة الرمزية mimocha

البيانات
التسجيل: Aug 2011
العضوية: 21317
المشاركات: 2,425 [+]
بمعدل : 2.51 يوميا
اخر زياره : [+]
معدل التقييم:
نقاط التقييم: 110
mimocha will become famous soon enoughmimocha will become famous soon enough

 

افتراضي

شكرااااااااااااااا لكي
من مواضيعي في المنتدي

__________________
فساتين, مكياج ,وصفات للبشره, وصفات للشعر,ازياء
mimocha غير متواجد حالياً   رد مع اقتباس
قديم 12-17-2011, 04:16 PM   #7
المعلومات
الكاتب:
moma
اللقب:
عضوة ذهبية
الرتبة:
الصورة الرمزية
 
الصورة الرمزية moma

البيانات
التسجيل: Feb 2010
العضوية: 13617
المشاركات: 1,714 [+]
بمعدل : 1.12 يوميا
اخر زياره : [+]
معدل التقييم:
نقاط التقييم: 1746
moma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant futuremoma has a brilliant future
إرسال رسالة عبر مراسل Yahoo إلى moma إرسال رسالة عبر Skype إلى moma

 

افتراضي

مشكورين
نورتو
من مواضيعي في المنتدي

__________________





إن سألتــــم عــــن إلهـــي فهـــــو رحمــــن رحيـــــم أنـــزل الشـــــرع حنيفــــــاً رحمــــــة للعــالميـــــن إن سألتـــــم عـــن نبيــــي فهـــو إنســـان عظيـم علّــــم النــــاس علــومــاً جمعــــت دنيــــا وديــــن إن سألتـــم عــن كتـــابـي فهـــــو قـــرآن كـريـــــم ضـــمّ دستــــور حيـــــاة وحـــوى النـــور المبيـــــن وإن سألتــــــم عـــن عــــــدويّ فهـــــــو شيطـــــان رجيــــــــم........






فساتين, مكياج ,وصفات للبشره, وصفات للشعر,ازياء


لتواصل عبر الفيس بوك انقر/ي هنا

moma غير متواجد حالياً   رد مع اقتباس
قديم 08-29-2012, 09:49 AM   #8
المعلومات
الكاتب:
الامورة حلا
اللقب:
مشرفة منتدي الديكور
الرتبة:
الصورة الرمزية
 
الصورة الرمزية الامورة حلا

البيانات
التسجيل: Jun 2012
العضوية: 24979
المشاركات: 2,346 [+]
بمعدل : 3.47 يوميا
اخر زياره : [+]
معدل التقييم:
نقاط التقييم: 110
الامورة حلا will become famous soon enoughالامورة حلا will become famous soon enough

 

افتراضي

ههههههههههههههههههههههههه
يسلمو
من مواضيعي في المنتدي

الامورة حلا غير متواجد حالياً   رد مع اقتباس
قديم 08-29-2012, 10:17 AM   #9
المعلومات
الكاتب:
مزهرية
اللقب:
مشرفة المنتدي العام
الرتبة:
الصورة الرمزية
 
الصورة الرمزية مزهرية

البيانات
التسجيل: Dec 2010
العضوية: 17389
المشاركات: 7,202 [+]
بمعدل : 5.90 يوميا
اخر زياره : [+]
معدل التقييم:
نقاط التقييم: 357
مزهرية is just really niceمزهرية is just really niceمزهرية is just really niceمزهرية is just really nice

 

افتراضي

هههههههههههههههههههههههههههههههههه
يسلمووووووووووووووووووووووو
من مواضيعي في المنتدي

__________________
فساتين, مكياج ,وصفات للبشره, وصفات للشعر,ازياء
مزهرية غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدليلية (Tags - تاق )
مواقف, مضحكه, تفوتكم

مواضيع ذات صله الدجه والصرقعه وسعة الصدر



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
مسجات حب لا تفوتكم مسوق الكترونى الحياة الاجتماعية 0 12-17-2012 01:32 AM
صور مضحكه طريفه وممتعه لا تفوتكم .. مها منتدى الصور - صور×صور - تحميل صور نادره وغريبه 0 12-05-2012 07:50 AM
مواقف مضحكه ..لاتنسى شيخه الزين الدجه والصرقعه وسعة الصدر 6 11-28-2010 09:36 PM
قصه محر جه لا تفوتكم تسالي منتدى القصص والروايات 2 03-13-2010 09:22 AM
لا تفوتكم روزاروز ازياء ملابس فساتين و اكسسوارات اناقة موضة 2013 - 2014 4 02-20-2010 02:35 PM


الساعة الآن 03:31 PM.


Powered by vBulletin® Version 3.8.4
Copyright ©2000 - 2014, Jelsoft Enterprises Ltd
   
Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%AC%D9%85%D8%A7%D9%84%D9%83-%D8%B3%D9%8A%D8%AF%D8%AA%D9%8A-%D9%81%D8%B3%D8%A7%D8%AA%D9%8A%D9%86-%D9%85%D9%83%D9%8A%D8%A7%D8%AC Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You