خلطات لتصغير الانف ونفخ الخدود..

حبيباتي ، حبيت أطرح عليلكم بعض الاشياء اللي جربتها وانفعتني
وان شاء الله اذا وحدة عندها نفس مشاكلي وحبت تجرب الله يوفقها
ويسعدها وينفعها باللي تسويه ، وما ابغي غير تدعون لي بالتوفيق
والصلاح والله يستجيب لدعائي ويحقق لي اللي بخاطري
وهذي تجاربي اللي نفعتني كلها وما راح اسوي مثل بعض البنات
تحط تجربة وتقول ابغي ردود عشان احط لكم باقي التجارب
انا ابي افيدكم مثل ما استفدت وابيكم تدعون لي وهذا هو المهم
اول شيء ببدأ معاكم


الخدود المنفوخة


اول شيء انا ويهي بيضاوي وما فيني خدود كلش خير شر تشوفين الويه صبية ماكو امل الا
تنتفخين وتصيرين دبة ومتينة عشان يطلع لج خدود وحتى لو متنت شكله ما فيه امل يطلع
لي خدود مثل الاوادم أو تطقين إبر عشان يصير عندج خدود مثل العالم والناس ، حتى بالمناسبات
لما نحط مكياج سهرة ما تبين الخدود بويهي خير شر يا ربي شهالمأساه لين شفت خلطة
( وما اتذكر وين و بأي منتدى ولا منو صاحبتها ) بس الله يجزاها الخير اللي علمتنا هالخلطة
وهي عبارة عن :

ملعقة طعام خميرة فورية
تخلط ب
مقدار من ماء الورد باللي يكفيها تصير عجيينة
مقدار يكفي العجن يعني مو تصير مثل الماي ولا جامدة
انا خليتها شوي مدة 10 إلى ربع ساعة بالصحن
شفتها انتفخت شوي وقمت غسلت ويهي ونشفته
وبعدين حطيت على خدودي
حطيتها تقريبا ً إلين نشفت ما بحدد الوقت بس
لين تحسينها نشفت على ويهج خلاص وصار ويهج مشدود
وما تقدرين تبتسمين
وملاحظة مهمة ،،،
حطيت على خدودي وبسسسسسسسسسسسس
لا تحطين على خشمج وعقب تبهذلينا .... على الخدود
وبسسسسسسسسسسسسسسسسسسسسسسس فاهمين
عموما ً هي لين تنشف تاخذ من ربع ساعة
إلى 20 دقيقة تحسينها ناشفة ع الويه ومنتي قادرة
تحركين حلجج عقب اغسلها افركي خدودج بحركات
دائرية من فوق لتحت واغسلي ويهج بماي بارد
انا ثاني يوم حطيت روب يقولون أفضل بس الإثنين نتيجتهم وحدة
والروب مو شرط منتهي بس
يقولون الافضل المنتهي ، وشوي ماي ورد المقدار
اللي تشوفينه مناسب ويكفي خدودج
آنا استمريت 3 أيام ووبس والله اني حسيت ويهي
مخدد وحليو مثل القطاوة وصدقيني 3 أيام وتشوفين
ويهج بس بخدوووووووووووووووووووود
وانا مجربتها وهالطريقة معتمدة إن شاء الله
ومثل ما قلت النتيجة ب 3 أيام ولا تبين نفخ ولا إبر ولا كريمات ولا حلبة ولا بطيخ

نجي للشغلة الثانية واللي الكل يدورها وهي
صفاء الوجه
والسر هو :
ماي الورد
هالماي والله خطير انا جربته بثلاث أيام حسيت ويهي صاااااااااااافي وناااااااااااااااااااااااعم
انا اشوف انه يصفي وينعم اكثر من انه يبيض ( وهالطريقة شفتها من وحدة بالمنتدى ماني ذاكرة اسمها
وتعذرني لاني مو متذكرة ) بس حقيقة ً ويهي صفى بشكل مو طبيعي وصار ناعم حتى لما حطيت مكياج
حسيت لويهي طلة حلوة ولمعة واللي سويته اني :
جبت ماي ورد وحطيته بكوب وخليته قدامي مع قطنة كل شوي امسح بويهي بماي الورد بالقنطة
كل ما ينشف حطيت منه حسيت ويهي ناااااااااااااااعم ويلق لق وبالليل و كنت ادهن بزيت اللوز
وهالطريقة للوجه والرقبة طبعا ً عشان توحد اللون .
وبعدين تمللت من القطنة وصرت احط شوي بايدي وامسح بإيدي على كل ويهي
والحمدلله احس ويهي صاااااافي والله يعطيكم الصفاااء والعافية
الشغلة الثالثة وهذي هم الكل اللي شاغل البال ومعطل الحال
المنطقة الحساسة

مرة قريت عن وحدة تقول انها جربت زيت الزيتون وزيت الذرة وماي الورد
بنسب متساوية مثلا ً كوب زيت زيتون كوب زيت ذرة كوب ماي ورد واذا حابة تجربي
جيبي فنجان زيت زيتون فنجان زيت ذرة وفنجان ماي ورد وحطيها بعلبة مغلقة وكل يوم بعد الحمام
او حتى الدخول الحمام لقضاء الحاجة - الله يكرمكم - او للوضووء استخدميه امسحي
بقنطة المنطقة كاااااااااااااااااااملة من برة بس وخلال فترة بسيطة كم اسبوع بس تقريبا ً شهر
وانتي تشوفين النتيجة حتى الشعر تطول فترات الشيل الشعر يطلع بعد مدة مو من ثاني يوم
ولا يطلع قاسي ولونها فتح عن قبل بواااااااااااااااااااااااااااااااااااااااااااااااا اااااااايد تقدرين تتخيلين
شنو يعني وااااااايد ما صارت مثل لون الجلد لكن فتحت بشكل فضيع يعني أغمق بدرجة
بس والاهم ان الشعر صار ضعيف وخف .

نجي للشغلة الثالثة اللي هي :

الخشم
انا اشوف هالخشم مركز للدهون عشان جذي منتفخ
وعشان يصير سيدة ومرسوم ومثل السيف مالج الا
المعجوون
خلال كل تسبووح حطي شوي معجون وامسحي الخشم
فيه ومدام تتفركين بيكون نشف ولما ينشف اغسليه بالماي
وحسي الانتعاش والنظافة حتى بتحسين خشمج خفيف وكأنه
الهوى يدخله امسحيه بشوي ماي ورد وانتهى المووضوع
على فكرة بتحسين بحرقان وعيونج تدمع بس لا تحاتين
بتنبهرين بالنتيجة والكل بيلاحظ حتى لما تحطين مكياج انتي
بنفسج بتلاحظين وبتقولين شنو هالخشم الحلو ما شاء الله

الشغلة الرابعة والاخيرة

حبوب الوجه


اكيد كل وحدة تطلع لها حبوب خصوصا ً فترة الدورة الشهرية
حبوب وايد ما تدرين من وين وعشان تتخلصين منها هذا الكريم
الوحيد اللي فادني على كثر الكريمات اللي استخدمتها للحبوب
ما فادني الا هالكريم البطل وهو طبي 100 % وبوصفة طبيبة جلدية
معروفة وبمستشفى خاص يعني مو أي كلام والا صيدلية
الكريم اسمه :

skinoren
وهذي صورته




ينحط مساء ً قبل النوم على مكان الحبة فقط
وأنصح الكل لاحد يلعب بالحبوب عشان لا تترك اثر
والكريم مفعوله رهيب حتى لو ما روح الحبة من اول
مرة ثاني يوم تختفي

مشكوره يانواره تسلم ايدك

مشكوره يعطيك العافيه

مشكوورة يا قمر